22 ақпан, 2026
Атырау облысында із-түссіз жоғалып кеткен отбасыға қатысты жаңа ақпарат белгілі болды, деп хабарлайды Alash.kz.
Атырау облысы полиция департаментінің өкілі Мейірім Ердәулет журналист Руслан Өтепбайға берген сұхбатында тергеуге қатысты соңғы деректерді айтты.
Оның мәлімдеуінше, отбасының күйеу баласы қазіргі уақытта күдікті ретінде халықаралық іздеуге жарияланған. Ал Ақбаян есімді әйел із-түссіз жоғалғандар тізімінде іздестіріліп жатыр.
"Бұл отбасының күйеу баласы қазіргі таңда күдікті ретінде халықаралық іздеуде тұр. Ал Ақбаян із-түссіз жоғалғандардың есебінде іздеуде тұр. Полиция бұл кісілердің нақты қай елде екендігін ресми растаған жоқ. Алайда бұл азаматтардың Атыраудан Шымкентке, Шымкенттен Өзбекстан арқылы өзге елдерге тысқары шыққанын ресми растадық", – деді Атырау облысы полиция департаментінің өкілі Мейірім Ердәулет.
