Бүгін, 15:53
Атырау облыстық балалар ауруханасына 16 жастағы Жаркен Айжан жоспарлы ота жасату үшін өз аяғымен барған. Алайда хирургиялық араласудан кейін жасөспірімнің жағдайы күрт нашарлап, дәрігерлер оның өмірін сақтап қала алмаған, деп хабарлайды kznews.kz.
Қайғылы жағдайдан кейін қыздың анасы дәрігерлердің әрекетіне күмән келтіріп, қызының өліміне медициналық көмек көрсету кезіндегі салғырттық себеп болуы мүмкін деп есептейді.
Қазір жасөспірімнің нақты неден қайтыс болғаны, ота барысында қандай жағдай болғаны және дәрігерлер тарапынан қателік кеткен-кетпегені анықталуы тиіс.
Марқұмның анасы істің жан-жақты әрі әділ тергелуін және қызының өліміне кінәлілер анықталса, заң аясында жауапқа тартылуын талап етіп отыр.
