10 қаңтар, 2026
Атырауда 59 жастағы Талғат Назаров есімді ер адам жоғалып, іздестіру жарияланды, деп хабарлайды kznews.kz.
Мәліметке сәйкес, ер адам 9 қаңтар күні шамамен сағат 13:30-да үйінен шығып, содан бері қайта оралмаған. Қазіргі таңда оның жүрген жері белгісіз.
Полиция таратқан бағдарда Талғат Назаровтың Кокарна шағынауданында тұрғаны жазылған. Белгілері: бойы шамамен 170–175 см, дене бітімі орташа.
Сондай-ақ хабарландыруда жоғалған күні үстінде қара түсті күрте және қара түсті шалбар болғаны көрсетілген. Құқық қорғау органдары оны көрген-білгендер немесе қандай да бір ақпаратқа ие азаматтардан полицияға хабарласуды сұрайды.
