Желі қолданушысы Ерлан Амангелдинов жариялаған афиша суреті көпшіліктің назарын аударып, 128 мыңнан астам қаралым жинады. Ол өзінің қарсылығын Тиматидің Ресейдің Украинаға толыққанды басып кіруін қолдайтынымен түсіндірді. Пікірталас барысында қазақстандықтар музыканттың 2022 жылдың 18 наурызында Қырымды аннексиялаудың мерейтойына арналған «Лужники» митинг-концертіне қатысқанын еске салды.
Қазақстандықтардың пікірі екіге бөлінді. Бір топ тұрғын Астана әкімдігі мен қала әкімі Жеңіс Қасымбекке жүгініп, Тимати концертіне тыйым салуды және саяси ұстанымдары даулы әртістерді шақырмауды талап етті. Ал қарсы тараптағы қолданушылар мұндай мәселелерге назар аудармай, елдің ішкі проблемаларын шешуге шақырды.
