Астанада LRT жүйесінде жұмыс істеуге ниетті азаматтар үшін бірнеше бос жұмыс орны ашылды, деп хабарлайды CTS компаниясы.
Бос лауазымдар тізімі:
- станция ауысымының басшылары;
- станция кезекшілері;
- қозғалыс диспетчерлері (жылжымалы құрам орталығы);
- орталықтандыру посты диспетчерлері;
- жабдық пен инфрақұрылымды басқару орталығының диспетчерлері;
- сигнализация техниктері;
- байланыс техниктері;
- электромонтерлер;
- жол жөндеу учаскесінің шеберлері;
- жабдық жөндеу слесарьлары;
- қойма меңгерушілері.
Оқыту және еңбек шарты:
- Болашақ қызметкерлерді даярлау курсы жұмыс беруші есебінен жүргізіледі. Теориялық және тәжірибелік дайындық Қазақстан мен Қытайда өтеді.
- Оқу ұзақтығы — 4–6 ай, мамандық бағытына қарай өзгереді.
- Курс соңында қатысушылар халықаралық сертификат алады және LRT құрылымдарына жұмысқа орналасуға кепілдік беріледі.
Кандидаттарға қойылатын талаптар:
- көлік, машина жасау, электротехника немесе ұқсас сала бойынша жоғары немесе орта-арнаулы білім;
- кемінде 2 жыл еңбек өтілі.
Оқу кезеңінде бес күндік жұмыс аптасы қарастырылған. Ал қызметке орналасқаннан кейін жұмыс кестесі лауазым ерекшелігіне байланысты ауыспалы тәртіппен белгіленеді.
