Бүгін, 17:12
Астанада жеңіл рельсті көлік (LRT) арқылы жүру құны қоғамдық талқылауға шығарылды, деп хабарлайды kznews.kz қала әкімдігінің баспасөз қызметіне сілтей отырып.
Әкімдік «Ашық НҚА» порталында Астана қаласында жолаушылар мен багажды жеңіл рельсті көлікпен тасымалдау тарифі туралы қаулы жобасын жариялаған.
Құжатқа сәйкес, LRT желісінде бір реттік жол жүру құны 200 теңге болуды ұсынылды. Жолақыны қолма-қол немесе карта арқылы төлеуге болады.
Сонымен қатар, 2017 жылғы 20 шілдеде қабылданған қалалық мәслихаттың №167/21-VI шешіміне сәйкес, Астанада тіркеліп, тұрақты тұратын азаматтардың кейбір санаттары қоғамдық көлікте жолақы төлеуден босатылады.
