Бүгін, 17:09
Астанада автобус жол-көлік оқиғасына ұшырады: жүргізуші рөлге ие бола алмай, аялдамаға соғылған, деп хабарлайды kznews.kz.
Бұған дейін БАҚ-та елорданың Сейфуллин көшесінде, №10 емхана маңында автобус жүргізушісі аялдамаға соғылғаны туралы ақпарат тараған болатын.
Астана Полиция департаменті мәліметінше, 18 наурызда Iveco маркалы маршруттық автобустың жүргізушісі Сейфуллин көшесімен келе жатып, тоқтау кезінде көлікті басқара алмай, аялдама кешеніне соғылған.
ПД ақпаратына сәйкес, зардап шеккендер жоқ, автобус жүргізушісі әкімшілік жауапкершілікке тартылады.
"Полиция жүргізушілерге жол қозғалысы ережесін, қауіпсіз жылдамдық режимін қатаң сақтап, көлік құралын басқару кезінде, әсіресе қоғамдық көлік аялдамаларына жақын жерде аса мұқият болу қажеттігін ескертеді", - деп хабарлады баспасөз қызметі.
