Бүгін, 13:43
Астанада аялдама кешенінде қоғамдық тәртіпті бұзып, тұрғындарға қолайсыздық тудырған әйел әкімшілік жауапкершілікке тартылды. Бұл туралы елордалық полиция департаменті мәлімдеді, деп хабарлайды kznews.kz.
Әлеуметтік желіде тараған бейнежазбаға мониторинг жүргізу барысында полиция оқиғаны анықтап, жедел тексеріс бастаған. Кадрларда әйел адамның аялдама павильонында қоғамдық тәртіпті бұзған әрекеті түсірілген.
Тәртіп сақшылары оның жеке басын анықтап, тиісті шара қолданды. Тексеру нәтижесінде оқиға ұсақ бұзақылық ретінде бағаланып, іс сотта қаралды.
Сот шешімімен әйелге 20 айлық есептік көрсеткіш мөлшерінде айыппұл салынды. Сонымен қатар оның қолындағы заттың қару емес, ойыншық автомат екені белгілі болды.
Полиция қоғамдық орындардағы кез келген тәртіп бұзушылық заң аясында жауапкершілікке әкелетінін ескертіп, тұрғындарды әдеп пен тәртіп сақтауға шақырды.
