Астана түк көрінбейтін қарлы боранның астында қалды (фото) - новости Казахстана

Астанада түс ауа жел күшейіп, қала қарлы боранның құрсауында қалды. Салдарынан көшелерде кептеліс пайда болып, оқушыларға сабақ тоқтатылды деп жазады NUR.KZ.

Қарлы боран жарты күннен бері астаналықтарды әбден әуреге салуда.

Көшеде көлік қозғалысы қиындап, коммуналдық қызмет мамандары қала ішін қалың қардан тазалап үлгермей жатыр.

Түк көрінбейтін бораннан қаладағы бағдаршамдарды әрең көруге болады.

Айта кетерлігі, синоптиктер кешелі бері елордалықтарды күшті жел әрі қалың қар жауады деп ескертіп жатыр. Енді алдағы күн ауа температурасы -35 градусқа дейін төмендеп, саршұнақ аяз болады деп күтілуде. Сондай-ақ, ертең бірінші және екінші ауысымдағы мектеп оқушылары мен колледждің 1-2 курс студенттеріне сабақ болмайды.