10 наурыз, 2021
Нұр-Сұлтан мен Алматыда COVID-19 індетінің таралуы бойынша эпидемиологиялық жағдай нашарлады, соңғы тәулікте бұл қалаларда коронавирус жұқтырғандардың саны артты, деп хабарлайды Sputnik Қазақстан сайты.
Эпидемиологиялық жағдайды бағалау матрицасына сәйкес, Нұр-Сұлтан мен Алматы "қызыл" аймаққа кірді, бұл шектеу шараларының күшейтілетінін білдіреді.
"Сары" аймақта Ақмола, Батыс Қазақстан, Атырау, Павлодар облыстары тұр.
Қалған өңірлер "жасыл" аймақта.
Айта кетейік, кеше Қазақстан "сары" аймақтан "жасылға" ауысты.
9 наурыз таңертеңгі мәлімет бойынша өткен тәулікте Қазақстан астанасы мен Алматыда 100-ден астам адамнан вирус табылған.
Өткен тәулікте Қазақстанда коронавирустық инфекциясын жұқтырған 693 науқас тіркелді, деп хабарлады COVID-19 таралуына жол бермеу жөніндегі ведомствоаралық комиссия.
