5 маусым, 2025
Астана тұрғындары 5 маусым күні түнде аспанда белгісіз нысандардың ұшуын бақылап, әлеуметтік желілерде видео таратып жатыр, деп хабарлайды kznews.kz.
Кадрлардан түнгі аспанда шоғырланып қозғалатын жарық нүктелерін байқауға болады. Куәгерлер бұл метеор, спутник немесе ғарыш қоқысы болуы мүмкін екенін болжаған.
Қазіргі уақытта бұл құбылысқа қатысты ресми мәлімдеме жасалған жоқ. Желі қолданушылары арасында түрлі нұсқалар айтылып жатыр: біреулер бұл – метеорит деп санаса, енді бірі – спутниктер немесе ғарыштық аппарат қалдықтары болуы мүмкін деген пікірде.
Астана аспанындағы бұл ерекше көрініс әлеуметтік желілерде қызу талқылануда.
