Астана әкімдігі әжетханалар салу үшін 281 миллион теңге жұмсайтыны туралы ақпарат тарады.
Бұл қаржыға душ, әжетхана кабиналары, темекі шегуге арналған орындар мен соған ұқсас құрылғылар орнатылмақ. Қызмет көрсету үш кезеңге бөлінеді екен:
- 1-жыл – 56 964 285 теңге;
- 2-жыл – 109 437 500 теңге;
- 3-жыл – 114 909 821 теңге.
Әкімдік мәліметінше, Есіл ауданында күнделікті тазаланатын 16 әжетхана бар. Конкурс аясында дымқыл және құрғақ тазалау, унитаздарды, қол жуғыштарды, айна мен кондиционерлерді, гипсокартон қабырғаларды және вандализм салдарынан бүлінген басқа да бөліктерді ауыстыру мен жөндеу жұмыстары қарастырылған. Қыста әжетханалар жылытылады екен.
