Әлеуметтік желілерде марқұм актер Асанәлі Әшімовтің жары Бағдат Әшімованың жоқтау айтып, зар илеген видеосы кеңінен тарады, деп хабарлайды ozgeris.info.
Видеодан Бағдат Әшімованың дауыс шығарып жылап, жан күйзелісін жасыра алмағанын байқауға болады. Кадрда оның:
"Азаматым-ау… Асқар тауым құлады. Жатқан жерің жайлы болсын. Енді мұңымды кімге барып айтамын…" – деген сөздері анық естіледі.
Аталған бейнежазба желі қолданушыларының қызу талқысына түсті. Бірі Бағдат Әшімованың қайғысына ортақтасып, сабыр тіледі, енді бірі жоқтау айту қазақтың ұмыт бола бастаған салт-дәстүрі екенін алға тартты. Ал кейбір пікір иелері бұл әрекетке әртүрлі көзқарас білдіріп, сын айтқанын да жасырмады.
Желіде қалдырылған пікірлер арасында: "Бағдат әпкені қатты аяймын, бар ғұмырын сол кісіге арнаған", "Жоқтау – қазақтың көне дәстүрі", "Сабыр берсін", – деген жазбалар жиі кездесті.