16 шілде, 2025
Ақорданың мәліметінше, заң аясында Еңбек кодексіне, сондай-ақ «Қазақстан Республикасының қорғанысы және Қарулы Күштері туралы», «Білім туралы», «Әскери қызмет және әскери қызметшілердің мәртебесі туралы», «Қорғаныс өнеркәсібі және мемлекеттік қорғаныстық тапсырыс туралы» және басқа да бірқатар заңдарға түзетулер енгізілді.
Жаңа заңдағы негізгі өзгерістер мына бағыттарды қамтиды:
- Әскери-патриоттық тәрбие: Азаматтарды әскери-патриоттық рухта тәрбиелеу жүйесі жетілдіріледі.
- Әскери міндеттілерді даярлау: Даярлау және қайта даярлау сапасын арттыру көзделген.
- Әскери есеп пен шақыру: Әскери есеп жүргізу және әскерге шақыру тәртібі жаңғыртылады.
- Әскери атақтар мен мәртебе: Әскери атақ беру тәртібі оңтайландырылады, әскери қызметшілердің мәртебесі күшейтіледі.
- Мерзімді әскери қызмет: Оның беделін арттыруға ерекше мән берілген.
- Жастарды даярлау: Жастарды әскери қызметке кешенді түрде дайындауға жағдай жасалады.
- Мемлекеттік қорғаныс тапсырысы: Қорғаныс саласындағы тапсырыстарды жүзеге асыру тетіктері дамытылады.
Заңның толық мәтіні баспасөзде жарияланатын болады.
