Бүгін, 12:01
Танымал қазақстандық актриса Әсел Сәдуақасова өміріндегі ең ауыр кезеңдердің бірі туралы сыр шертті. Өнер иесі журналист Тимур Балымбетовке берген сұхбатында жүктілігі сәтсіз аяқталғанын айтып, сол кездегі жан күйзелісімен бөлісті, деп хабарлайды kznews.kz.
Танымал қазақстандық актриса Әсел Сәдуақасова өміріндегі ең ауыр кезеңдердің бірі туралы сыр шертті. Өнер иесі журналист Тимур Балымбетовке берген сұхбатында жүктілігі сәтсіз аяқталғанын айтып, сол кездегі жан күйзелісімен бөлісті.
Актрисаның айтуынша, ол сәуір айында жүкті екенін білген. Алайда жүктіліктің екінші скринингі кезінде дәрігерлер ұрықтың дамуында бірнеше күрделі ақау анықталғанын айтып, жүктілікті тоқтатуға кеңес берген.
«Сәуір айында жүкті екенімді білдім. Екінші скрининг кезінде дәрігерлер баланың дамуында көптеген ақау бар екенін айтып, жүктілікті үзуге тура келетінін жеткізді. Сол кезде өзімді қатты кінәладым. "Бір нәрсені дұрыс істемедім бе, әлде бір қателік жібердім бе?" деген ой маза бермеді», – деді Әсел Сәдуақасова.
Актриса бұл қиын кезеңде жұбайының қолдауы өзіне үлкен демеу болғанын да жасырмады. Оның айтуынша, сол сәтте күйеуінің жанынан табылғанына ерекше шүкіршілік еткен.
«Сол кезде "Құдайым, осындай күйеуім барына шүкір" деп ойладым. Тіпті ол менен ажырасып кетеді ме деп қорықтым. Кейін оның да дәл сондай қорқынышты бастан өткергенін білдім», – деп еске алды өнер иесі.
