Бүгін, 10:11
"Арқанкерген" шекара бекетінде қаза тапқан Денис Рейдің анасы сол түні болған оқиғаға қатысты өз болжамын айтты, деп хабарлайды kznews.kz.
Әлеуметтік желіде тараған видеода ол қайғылы жағдайдың қалай өрбігені жөнінде жеке пікірін білдірген.
Әйелдің айтуынша, оқиға болған күн Шекарашылар күнімен тұспа-тұс келген. Ол сол маңда ықпалды адамдардың болғаны мүмкін деген болжам айтады. Алайда бұл мәлімдемелерді растайтын ресми дерек келтірілмеген.
Сондай-ақ Денис Рейдің анасы орман күзетшісінің қазасы мен кейін болған оқиғалар арасында байланыс болуы мүмкін деп есептейтінін жеткізген.
"Менің ойымша, біздің балалар сол сәтте сол жерде болып қалған. Неге екі күн бойы болған жайт туралы жұртқа ештеңе айтылмады? Меніңше, осы уақытта бірдеңелер тазаланған болуы мүмкін", – деді ол.
Бұл – марқұм шекарашының анасының жеке нұсқасы. Оның айтқандары ресми тергеу қорытындысы ретінде қарастырылмайды.
