12 желтоқсан, 2018
Ақтауда 11 желтоқсан күні кешке Өндірістік аймақ-2 көшесіндегі металл қабылдайтын база аумағында жарылыс болып, екі адам қаза тапты, үш адам жараланды. Бұл туралы Ішкі істер министрлігі төтенше жағдайлар комитетінің баспасөз қызметі хабарлады.
Комитет таратқан ақпаратқа қарағанда, базада жарылыс неден болғаны әзірге белгісіз. Жарылыс болған орынды полиция қоршап, саперлер оқиға орнын тінтіген кезде танкіде жаттығу мақсатында қолданылатын 11 снаряд табылған. Болжам бойынша, снарядтар өздігінен жарылып кеткен болуы мүмкін.
