Бүгін, 11:15
АҚШ-тың Айдахо штатында өткен Gunfighter Skies авиашоуы кезінде әуеде екі әскери ұшақ соқтығысты. Оқиға Маунтин-Хоум әскери әуе базасында болған, деп хабарлайды kznews.kz.
Куәгерлер түсірген видеода әскери ұшақтардың көрсетілім ұшуын орындап жатқан сәті көрінеді. Бір мезетте екі әуе техникасы бір-бірімен соқтығысып, артынша жарқыл пайда болған.
Алдын ала мәлімет бойынша, екі экипаж да дер кезінде катапульт жасап, аман қалған.
Америкалық БАҚ-тың хабарлауынша, оқиғаға EA-18G Growler үлгісіндегі ұшақтар қатысқан. Олар демонстрациялық топ құрамында өнер көрсеткен.
Қазіргі уақытта апаттың нақты себебі ресми түрде жарияланған жоқ. Оқиғаға байланысты АҚШта тергеу басталды.
