21 маусым, 2026
Әлемге танымал әнші Димаш Құдайберген жаңа әнінің жарыққа шығатынын хабарлап, жанкүйерлерін қуантты, деп хабарлайды kznews.kz.
Өнер иесі Instagram парақшасында домбыра үнімен басталатын қысқа видео жариялаған. Бейнежазбада Димаш сұқ саусағын ерніне қойып, тыңдарманын тыныштыққа шақырғандай ишара жасайды.
Әнші жазбасында жаңа туындының ерекше атмосфера мен жаңа энергия әкелетінін атап өтті. Сондай-ақ әннің әр елдің жергілікті уақыты бойынша 00:00-де барлық стримингтік платформаларда қолжетімді болатынын жеткізді.
Димаш жанкүйерлерін жаңа әнді бірге қарсы алуға шақырып, олардан қолдау білдіруді сұрады. Оның бұл жазбасы көпшіліктің қызығушылығын тудырып, тыңдармандары жаңа туындыны асыға күтетінін жазды.
