Бүгін, 08:50
Видеода Айманның әзілкештің анасының алдында билеп жүргенін көруге болады. Ол жазбасында енесінің келгеніне қуанышты екенін білдіріп, ана мен бала арасындағы байланысты атап өткен.
Тұрсынбек Қабатовтың екінші әйелі Айман Талғатқызы енесімен бірге түскен видеосын әлеуметтік желідегі парақшасында жариялады. Кадрлар желі қолданушыларының назарын аударып, түрлі пікір туғызды, деп хабарлайды kznews.kz.
«Мама келіп, берекеміз артып жатыр. Қанша жасқа келсе де, ана үшін баласы – бала, бала үшін анасы – ана болып қалатыны анық», – деп жазды ол.
Желі қолданушыларының бір бөлігі Айманның енесіне деген ықыласын жылы қабылдап, отбасына ізгі тілектерін білдірді. Алайда кейбір оқырман видеодағы әйелдің көңіл күйіне назар аударып, оның жүзінен мұң байқағанын жазды.
«Амалсыздан отырған сияқты мамасы», «Көзінде мұң бар», «Көңіл күйі жоқ», «Көңілін ауласа да, күлмейді», «Мынаған ашуы келіп жатқан сияқты», – деп пікір қалдырды желі қолданушылары.
Осылайша, Айман Талғатқызы жариялаған қысқа видео көпшіліктің талқысына түсіп, оқырмандар арасында түрлі болжамға себеп болды. Дегенмен видеодағы адамның көңіл күйіне қатысты пікірлер желі қолданушыларының жеке пайымы ғана.
