Түркияның Коджаэли провинциясына қарасты Дариджа ауданында зергерлік дүкенге келген әйел алтынның бағасын естіген сәтте есінен танып қалған, деп хабарлайды kznews.kz.
Түркиялық БАҚ-тың жазуынша, зергерлік дүкендердің бірінде сатып алушы әйел алтынның бір граммының құнын білген соң, өзін жайсыз сезініп, құлап қалған.
Кейінірек ол бұл оқиғаға әзілге айналып, әлеуметтік желіде кеңінен тарап кеткен. Әйелдің айтуынша, алтын бағасын естіген сәтте ол есінен танып қалған. Белгілі болғандай, бір грамм алтынның құны 5 920 түрік лирасы, яғни шамамен 72 мың теңге болған.
Аталмыш видео желіде тез таралып, қызу талқылауға себеп болды.
Әлеуметтік желі қолданушылары бұл жаңалыққа жаппай пікір қалдырып, асыл металдың қымбаттауына наразылықтарын білдірді. Кейбір желі қолданушылары мұндай бағаны көріп, шынымен де есінен тануға болатынын жазған.
"Алтын сатып алу енді орындалмас арманға айналды", – деп түйіндеді желі қолданушылары.