31 желтоқсан, 2018
Қазақстанның ішкі істер министрлігі жол апатынан қаза тапқандардың отбасына көңіл айтып, зардап шегушінің тезірек сауығып кетуіне тілектестік білдірді
АСТАНА, 31 желтоқсан – Sputnik. Қазақстандық актриса Шолпан Елгезекова қаза болған жол апатына қатысты істі ішкі істер министрлігі бақылауға алды.
Тергеудің объективтілігіне күмән тудыруға ешқандай негіз жоқ, деп хабарлады ішкі және сыртқы коммуникациялар департаментінің директоры Алмас Сәдубаев.
Тергеу бөлімі оқиғаның мән-жайы жан-жақты тергеу үшін барлық қажетті шараны жасап жатыр. Іс бақылауда, деп сендірді министрліктегілер.
Ол қаза тапқандардың отбасыларына көңіл айтып, оқиғадан кейін ауруханаға жеткізілген екінші актриса – Айзада Сатыбалдиеваның тезірек сауығып кетуіне тілектестік білдірді.
Алматыда 29 желтоқсан күні қазақстандық актриса Шолпан Елгезекова жол-көлік оқиғасынан қаза болды. Куәгерлердің айтуынша, Gelandewagen көлігі "қызылға" өтіп кетіп, шетелдік көлікпен соқтығысқан. Жол-көлік апатынан жеңіл көлік жүргізушісі мен оның екі жолаушысы көз жұмды. Тағы бір әйел ауыр жарақаттармен ауруханаға жатқызылды.
Шолпан Елгезекова жол-көлік оқиғасынан қаза болды – апат орнында түсірілген видео
Апатқа кінәлі жүргізуші оқиға орнынан қашып кеткен, біраз уақыттан кейін полицейлер оны ұстады. Қазіргі таңда алдын ала тергеу жұмыстары жүргізіліп жатыр.
