Бүгін, 16:14
Жоғарғы билік эшалонындағы ауыс-түйіс аймақтарда жалғасатын сияқты. Алғашқы лекте Алматы облысы тұр.
Мәлім болған ақпаратқа сәйкес, ертең Алматы облысының әкімі Марат Сұлтанғазиев қызметінен кетеді. Бұл туралы облыстық мәслихаттың депуттарына жіберілген ресми шақыру нұсқаулығында айтылған.
"Ертең, 4 - қыркүйекте, Алматы облыстық мәслихатының депутаттары Қонаев қаласына жиналып, өңірдің жаңа әкіміне қатысты Президент енгізетін кандидатураны келісу мәселесін қарайды" делінген хабарламада.
Еске салайық, Алматы облысын 2022 жылғы маусымнан бері Марат Сұлтанғазиев басқарып келеді. Ол Президент Жарлығымен 2022 жылғы 11 маусымда облыс әкімі болып тағайындалған болатын.
Әзірге жаңа әкімнің кім болатыны және Сұлтанғазиевтің алдағы қызметіне қатысты қандай бір дерек жарияланған жоқ.
