2 желтоқсан, 2025
Алматы облысы, Іле ауданының экс-әкімі Бағдат Қарасаевқа қатысты сот үкімі шықты.
2024 жылдың қыркүйегінде ұсталған Қарасаевқа Қылмыстық кодекстің бірнеше бабы бойынша айып тағылған. Атап айтқанда, экс-әкім қызметтік өкілеттігін теріс пайдаланғаны және заңсыз кәсіпкерлікке қатысқаны үшін кінәлі деп танылды.
Сотта Бағдат Қарасаев Іле ауданының әкімі болып тұрған кезінде лауазымын асыра пайдаланып, жеке кәсіпкерге жер телімін заңсыз жолмен рәсімдегені мен қатты тұрмыстық қалдықтар полигонының құрылысын жүргізген компаниямен сыбайластыққаны барғаны дәлелденген.
Ол Қылмыстық кодекстің 361-бабының 3-бөлігі және 364-бабының 3-бөлігі бойынша айыпты деп танылып, 3 жыл 3 айға бас бостандығынан айырылып, өмір бойына мемлекеттік қызметте лауазымды міндеттер атқару құқығынан айырылды.
