Астана қалалық Полиция департаментінің дерегінше, алдын ала мәлімет бойынша, марқұм мен күдікті бұрыннан таныс болған.
Олардың арасында жанжал туындап, ол төбелеске ұласқан. Салдарынан 56 жастағы ер адам алған жарақаттарынан көз жұмған.
«Күдікті ұсталып, уақытша ұстау изоляторына қамалды. Аталған дерек бойынша сотқа дейінгі тергеу амалдары жүргізілуде», – деп мәлімдеді полиция өкілдері.
Ержан Бабақұмаров әр жылдары мемлекеттік қызметтің түрлі салаларында еңбек етті. Ол Орталық коммуникациялар қызметін басқарған, Премьер-Министр Кеңсесінде жұмыс істеген, Мемлекет басшысының кеңесшісі болған, кейін Алматы қаласы әкімінің орынбасары қызметін атқарған.
