14 шілде, 2025
Қазақстандық әнші Алмагүл Батталиева Беларусьтің Витебск қаласында өткен «Славян базары – 2025» халықаралық эстрада әншілері байқауында Гран-при жүлдесін жеңіп алды.
Алмагүл финалда «Вечность» әнін әсерлі түрде орындап, қазылар алқасынан 137 балл жинады. Бұл байқаудағы ең жоғары нәтиже.
Айта кетейік, ол — Жетісу облыстық филармониясының әншісі. Байқау барысында Алмагүл әлемдік және ресейлік танымал хиттерді кәсіби деңгейде орындап, ерекше дауыс диапазоны мен сахналық харизмасымен көзге түсті.
