Танымал режиссер Ақан Сатаев пен оның екінші әйелі арасындағы дау қоғамда қызу талқыланып жатыр, деп хабарлайды kznews.kz.
Бұған дейін Ақан Сатаевтың бұрынғы жары Назира Бақаева сұхбат беріп, ажырасудың себептерін ашық айтқан болатын. Оның сөзінше, режиссер балаларға тиесілі деп қалдырылған үйді әлі күнге дейін бермеген. Бұл мәселенің шешілмей келе жатқанына бес жылдан асқан.
Аталған мәлімдемеден кейін режиссер көпшілікке жауап беріп, арадағы келіспеушіліктің мән-жайын түсіндіруге тырысқан. Алайда оның жауабы жұртшылықтың наразылығын күшейтіп, әлеуметтік желі қолданушылары Ақан Сатаевты қатаң сынға алды.
Көпшілік пікірінде режиссердің әрекеті әділетсіз деп бағаланып, бірінші әйеліне қолдау білдірген жазбалар мен өткір пікірлер жиі кездесуде.
