26 қыркүйек, 2025
Ұлттық Олимпиада комитетінің хабарлауынша, Бубликтің нәтижесін жақсартуына Қытайдың Ханчжоу қаласында өткен ATP 250 сериясындағы турнирдегі жеңісі ықпал етті. Финалда ол француз Валентен Руайені екі сетте — 7:6, 7:6 есебімен ұтты. Бұл жеңіс қазақстандық спортшыға қомақты рейтингтік ұпай жинап, рекорд орнатуға мүмкіндік берді.
Қазіргі таңда әлемдік рейтингтің көшін испаниялық Карлос Алькарас бастап тұр. Екінші орында – италиялық Янник Синнер, ал алғашқы үштікті германиялық Александр Зверев түйіндеді.
Айта кетсек, Бублик соңғы жылдары тұрақты түрде халықаралық турнирлерде жоғары нәтиже көрсетіп жүр. Сарапшылар оның алдағы уақытта ТОП-10 қатарына ену ықтималдығын жоққа шығармайды.
