Бүгін, 13:00
Алакөл көлінде екі гидроциклдің соқтығысуынан бір адам көз жұмып, тағы бір адам жарақат алды, деп хабарлайды kznews.kz.
Жетісу облыстық Төтенше жағдайлар департаментінің мәліметінше, қайғылы оқиға 17 шілде күні болған. Алдын ала мәлімет бойынша, қозғалыс кезінде бір гидроцикл екіншісінің үстіне шығып кеткен. Әлеуметтік желідегі ақпаратқа сәйкес, апат кешкі сағат 21:00 шамасында болған.
Қазір оқиғаға байланысты Алакөл аудандық полициясы сотқа дейінгі тергеу жүргізіп жатыр.
ТЖД азаматтарға навигациялық шамдары жоқ шағын су көліктерімен түнгі уақытта суға шығуға тыйым салынатынын еске салып, қауіпсіздік талаптарын қатаң сақтауға шақырды. Шомылу маусымы басталғалы бері Алакөлде қауіпсіздік ережелерін бұзғандарға қатысты 108 әкімшілік хаттама толтырылған.
