Белгілі актриса әрі продюсер Дариға Бадықова жаңа мәлімдеме жасап, жеке ойларын бөлісті, деп хабарлайды kznews.kz.
Өнер иесі әлеуметтік желідегі парақшасында "Таптым-ау сені" жобасының үшінші бөлімінен кейін жалғасы түсірілмейтінін ресми түрде жариялады. Оның айтуынша, шығармашылық топ бұл жобаны дәл осы тұста аяқтауды дұрыс деп шешкен.
"Таптым-ау сені-3" фильмінен кейін жалғасын түсірмейміз деп шештік. Қимаймын сені… Соңғы бөлімді әдемі аяқтағымыз келді. Киноға барыңыздар! Біз жаман кино түсірмейміз ғой", – деп жазды актриса.
Сондай-ақ Дариға Бадықова көрермендерге арнап демалыс күндерін жақсы көңіл күймен өткізуге шақырып, фильмнің өмірге барынша жақын түсірілгенін атап өтті.