АҚШ-тың Қазақстандағы елшісі Джули Стаффт қазақстандық әнші Yenlik-пен дуэт орындады. Дипломат қазақ тілінде ән шырқап қана қоймай, ұлттық мәдениетімізге деген қызығушылығын ерекше бейнежазба арқылы көрсетті, деп хабарлайды kznews.kz
Бейнежазбаның бір бөлігі қазақтың киіз үйінде түсірілген. Ал қалған кадрларда елші мен әнші табиғат аясында ән шырқайды. Видеода ұлттық нақышқа ерекше мән берілген.
Айта кетейік, “Meili” әні 2025 жылғы қыркүйекте жарық көріп, әлеуметтік желілерде кеңінен тарады. Композиция миллиондаған қаралым жинап, қазақстандықтармен қатар шетелдік тыңдармандардың да назарын аударған.
Бұл Джули Стаффтың қазақ мәдениетіне алғаш рет қызығушылық танытуы емес. Бұған дейін дипломат отбасымен бірге домбыра сабағына қатысып, ұлттық аспапта ойнап көрген еді.
Еске салайық, Джули Стаффт 2025 жылғы қазанда АҚШ-тың Қазақстандағы елшісі қызметіне кірісті.