Бүгін, 18:10
Ақмола облысының Бестөбе кентіндегі шахталардың бірінен екі ер адамның мәйіті табылды, деп хабарлайды kznews.kz.
Ақмола облысы полиция департаментінің мәліметінше, оқиғаға байланысты сотқа дейінгі тергеп-тексеру басталды.
«Алдын ала мәлімет бойынша, қаза тапқандар нысан аумағына заңсыз кірген. Қазір оқиғаның мән-жайын анықтау үшін қажетті тергеу амалдары жүргізіліп жатыр», – деп хабарлады полиция өкілдері.
Полицияның дерегінше, жыл басынан бері Степногор қаласында Қазақстанның Әкімшілік құқық бұзушылық туралы кодексінің 506-бабы («Күзетілетін нысандарға заңсыз кіру») бойынша 322 адам жауапкершілікке тартылған.
Сонымен қатар, осы кезеңде жергілікті шахталарда тоғыз адам қаза тапқан.
