Танымал әнші Айгүл Иманбаева Лондонға оқуға түскенін айтып, көпшіліктен сүйінші сұрады.
Бұл туралы өнер иесі өзінің желідегі парақшасында мәлімдеді.
“Достар, сүйінші, құттықтап қойсаңыздар болады! Мен “Болашақ” бағдарламасы бойынша Ұлыбритания еліне, Лондон қаласына оқуға түстім. Бүгін сол жаңалығыммен “Өмір көркем”бағдарламасында бөлістім. Тілекші болған жандардың да бар арманы орындалсын”, – деп жазды ол.
Әншінің оқырмандары оның қуанышына ортақтасып, ақ тілектерін жаудырды.