Бүгін, 15:17
Air Astana Таяу Шығыстағы ахуалға байланысты рейстер кестесіне өзгерістер енгізіп, 735 жолаушыны уақытша қонақүйлерге орналастырды, деп хабарлайды kznews.kz.
Әуе компаниясының мәліметінше, қонақүйге жайғастырылған жолаушылар саны бағыттар бойынша төмендегідей:
– Доха – 174 жолаушы;
– Дели – 231 жолаушы;
– Дубай – 330 жолаушы.
Тасымалдаушы жағдайды тұрақты бақылауда ұстап отырғанын және барлық жолаушыға қажетті қолдау көрсетілетінін мәлімдеді.
Компания өкілдері рейстер кестесіне қатысты қосымша ақпарат жолаушыларға жеке тәртіппен хабарланатынын атап өтті.
