Бүгін, 15:45
Абай облысы Курчатов қаласында бейнебақылау камераларына түсіп қалған жаппай жол-көлік оқиғасы тіркелді, деп хабарлайды kznews.kz.
Алдын ала мәліметке сәйкес, көлікті басқарған әйелдің жүргізуші куәлігі болмаған. Сонымен қатар ол мас күйде рөлге отырған.
Полицияның мәліметінше, әйел күйеуіне тиесілі автокөлікті жүргізіп келе жатып, жол жиегінде тұрған бірнеше көлікке соғылған.
Оқиғадан кейін барлық қатысушы медициналық тексеруден өткен. Сараптама қорытындысы бойынша, әйел орташа деңгейде мас болғаны анықталған.
Сондай-ақ көлік иесі – әйелдің күйеуі де мас күйде болғаны белгілі болды. Ол көлікті жүргізуші куәлігі жоқ адамға сеніп тапсырғаны үшін жауапкершілікке тартылады.
