Бүгін, 15:26
АҚШ-та жүкті құрбысын және оның үш баласын өлтірген әйел өмір бойына бас бостандығынан айырылды, деп хабарлайды kznews.kz Daily Star-ға сілтеме жасап.
Тергеу мәліметінше, Иллинойс штатында тұратын 24 жастағы әйел жеті айлық жүкті құрбысын өлтірген. Жәбірленуші көп қан жоғалтудан көз жұмған.
Кейін күдікті марқұмның үш баласын — жеті жастағы ұлды, екі жастағы баланы және бір жасар сәбиді де өлтірген. Іс материалдарында «балалардың денелері кір жуатын машина мен кептіргіш құрылғының ішінен табылды» деп көрсетілген.
Қылмыс күдіктінің танысына өз әрекетін мойындап айтуынан кейін әшкереленген. Ол бұл туралы полицияға хабарлаған.
Әйелге кісі өлтіру және дүниеге келмеген баланың өліміне қасақана себепкер болу баптары бойынша айып тағылды. Ол кінәсін мойындап, шартты түрде мерзімінен бұрын босатылу құқығынсыз өмір бойы бас бостандығынан айырылды.
