Бүгін, 22:39
Комиссия министрліктің қазіргі жұмысын зерделеп, әскери құрылымдарды қаржыландыру және материалдық-техникалық қамтамасыз ету мәселелерін тексереді.
Президент Қасым-Жомарт Тоқаев Қорғаныс министрлігінің қызметін кешенді тексеру үшін арнайы комиссия құруды тапсырды, деп хабарлайды kznews.kz.
Комиссияға Қауіпсіздік Кеңесі төрағасының орынбасары Аида Балаева жетекшілік етеді. Оның орынбасары – Жоғары аудиторлық палата төрағасы Әлихан Смайылов.
Комиссия құрамына Президент Әкімшілігі, Қауіпсіздік Кеңесі, Қаржылық мониторинг агенттігі, Қаржы министрлігі, Бас прокуратура, Ұлттық қауіпсіздік комитеті және Ұлттық экономика министрлігінің өкілдері кірді.
Тексерудің алғашқы нәтижелері жеті күн ішінде Мемлекет басшысына баяндалуы тиіс.
