15 қараша, 2018
Астаналықтар әлі құрылысы бітпеген "Абу-Даби Плаза" ғимаратының жоғарғы жағынан шыққан түтін мен оғаш жарықты көріп, ғимарат тағы өртеніп жатыр деп шошып кеткен. Бұл туралы Sputnik-Қазақстанға сілтеме жасаған NUR.KZ хабарлайды.
Фото:Владислав Воднев/Sputnik
Өрт жалынына ұқсаған жарық астана тұрғындарын дүрліктіріп жіберген. Астаналықтардың көбі ғимарат тағы өртеніп жатыр деп ойлаған.
Алайда, Астана қаласының төтенше жағдайлар комитеті халықтың уайымын басуға асықты. Комитеттегілер құрылыс жұмыстары жүргізіліп жатқандықтан жарық жылуынан бөлінген бу түтін сияқты көрінгенін хабарлады.
Ведомстводағылар ғимаратта өрт те, түтін де жоқ екенін баса айтып өтті.
