Әнші Абай Бегей мен жары Фариза Жұманова Вьетнамда демалып жүріп, гендер-пати ұйымдастырды. Ерекше сәтте ерлі-зайыптылар болашақ сәбилерінің қыз екенін қуана жария етті, деп хабарлайды kznews.kz.
Жас отбасының бұл ақжолтай мәлімдемесі отандық шоу-бизнес өкілдері мен қалың көрерменнің назарын бірден өзіне аударды. Желі қолданушылары мен өнердегі әріптестері жарыса видео астына пікір қалдырып, болашақ кішкентай ханшайымға ақ ниетпен бақытты балалық шақ пен зор денсаулық тілеп, отбасының қуанышына ортақтасып жатыр.