Денсаулық сақтау министрі Елжан Біртанов Қазақстанның 7 өңірінде коронавирус аурушаңдығының өсімі байқалатынын мәлімдеді, деп хабарлайды Stan.kz ақпарат агенттігі.
Біртановтың айтуынша, төтенше жағдай аяқталғаннан бері соңғы екі апта ішінде 3,5 мыңға жуық ауру тіркелген, ел бойынша өсім қарқыны 5 пайыз шамасында.
"Сонымен қатар, жекелеген өңірлерде аурушаңдықтың өсуі байқалады. Жарқылдар белгілі бір жергілікті сипатқа ие. Бұл Атырау, Қарағанды облыстарында, Жамбыл, Қостанай, Түркістан, БҚО және Шымкент қаласында", - деді министр.
Министрдің айтуынша, бұл аймақтарда аурушаңдықтың өсуі ұйымдасқан еңбек ұжымдарындағы өршумен байланысты және алдын алу тестілерін өткізу арқылы анықталған.
"Атап айтқанда, "Теңізде" ЖРВИ-мен ауырудың алғашқы оқиғалары тіркелгеннен кейін жаппай, белсенді тестілеу басталды және бүгінгі күні 1000-нан астам оқиға анықталды. Қарағанды облысында 358 адам, Шымкент қаласында "Петро Қазақстан" ұйымында 219 адам, Нұр-Сұлтан және Түркістан қаласында құрылыс кәсіпорындарында 80-нен астам адам, Жамбыл облысы және Алматыда әскери ұйымдардың ішінде осы үлкен топ науқастар тіркелді", - деді Біртанов.
stan.kz