Бүгін, 11:29
Конго елінің шалғайдағы Итури провинциясында Эбола вирусының жаңа өршуі тіркеліп, салдарынан 65 адам көз жұмды, деп хабарлайды kznews.kz.
Мамандардың мәліметінше, қазіргі уақытта вирус жұқтырды деген күдікпен 246 жағдай тіркелген. Эбола – өте қауіпті әрі тез таралатын инфекциялардың бірі. Ол адам ағзасындағы биологиялық сұйықтықтар арқылы жұғады және көп жағдайда ауыр асқынуға әкеледі.
World Health Organization өткен жылы Конгода Эболаны емдеуге арналған дәрі-дәрмек қоры мен Ervebo вакцинасының шамамен 2000 дозасы бар екенін мәлімдеген еді. Алайда бұл вакцина тек Ebola Zaire штамына қарсы тиімді екені айтылған.
Ал Africa CDC жаңа өршудің нақты қай штаммнан тарағанын анықтайтын зерттеу нәтижелері жақын тәуліктерде жарияланатынын хабарлады.
Айта кетейік, бұған дейін теңіз лайнерлерінде Хантавирус инфекциясының таралуы туралы да ақпарат шыққан болатын. Аргентинадан Кабо-Вердеге бағыт алған MV Hondius круиздік кемесінде үш жолаушы инфекция салдарынан қайтыс болған еді.
