1 қараша, 2025
Жас ана қуанышты жаңалығын әлеуметтік желіде бөлісіп, жұрт назарына ілікті. Айтуынша, Бибінұр небәрі 18 жасында тұрмысқа шыққан. Содан бері 8 жыл бойы бала тәрбиесімен айналысып келеді. Қазір оның екі баласы мектепте оқиды, үшеуі балабақшаға барады, ал кенжесі әзірге анасымен бірге үйде.
“18 жасымда тұрмысқа шықтым, 8 жылдан бері декреттемін. Үш балам балабақшаға барады, екеуі мектепке кетеді – енді өзім үшін өмір сүруді бастадым. Ал менің кей қатарластарымда мұның ешқайсысы әлі жоқ”, – деп жазды Бибінұр.
Көпшілік оның жазбасына түрлі пікір қалдырған. Кейбір қолданушылар “Неге ерте тұрмысқа шықтың?” деп сұраса, жас ана бұған сабырлы жауап берді:
“Маған 18 жаста қайда асықтың, неге саяхаттамадың, неге жұмыс істемедің деп сұрайтындар бар. Айтарым – өмірімнің бәрі әлі алда. Әр нәрсенің өз уақыты бар”.
