31 желтоқсан, 2018
Синоптиктер 1 қаңтарда елімізде ауа райы қандай болатынын айтты, - деп хабарлайды Tengrinews.kz тілшісі.
"Қазгидромет" орталығының мәліметінше, 2019 жылдың алғашқы күнінде Қазақстанның басым аумағында ауа райы тұрақсыз, жауын-шашынды болады, тек солтүстік-батыс және солтүстікте күн ашық болады деп күтілуде.
"Республиканың кей аймақтарында көктайғақ, тұман күтіледі, жел күшейеді. Жамбыл, Түркістан облыстарында тұман, көктайғақ болады, күндіз жел күшейеді. Алматы, Жамбыл, Қызылорда, Маңғыстау, Атырау, Батыс Қазақстан облыстарының кей жерлерінде тұман, көктайғақ күтіледі", - деп ескертті мамандар.
Сонымен қатар, Ақмола, Қостанай, Солтүстік Қазақстан облыстарында, түнде Ақтөбе, Павлодар, Қарағанды облыстарының кей жерлерінде тұман түсіп, Шығыс Қазақстан облысында түнде жел күшейеді, жылдамдығы секундына 15-20 метрге дейін жетуі ықтимал.
