Бүгін, 12:25
Марқұм әнші Ақжол Мейірбековтің қызы Сұлтан әкесінің өмірінің соңғы кезеңдері туралы естелігімен бөлісті, деп хабарлайды kznews.kz.
Оның айтуынша, әнші сырқаты асқынған кезде шетелде емделу мүмкіндігі болған. Алайда Ақжол Мейірбеков халықтан қаржы жинауға қарсы болып, қазақстандық дәрігерлердің көмегіне сенім артқан.
Сұлтанның сөзінше, өнер иесі ауыр дертпен ұзақ уақыт күресіп, 18 рет химиотерапия курсынан өткен. Соған қарамастан, ол сахнадан қол үзбей, көрермені алдында өнер көрсетуді жалғастырған.
Әншінің қызы әкесінің соңғы аманаты «Жақсы, түзу жүріңдер» деген сөз болғанын айтты. Оның айтуынша, Ақжол Мейірбеков өмірінің соңына дейін өнерге адал болып, тыңдармандарына деген құрметін сақтап өтті.
