Кадрларда ата-аналар күтпеген жайтқа куә болған: бір мектепте бірден 42 алғашқы сынып ашылып, олар қазақ әліпбиінің «А»-дан «Я»-ға дейінгі әріптерімен белгіленген. Тараған бейнежазбаларға қарағанда, мұндай жағдай тек бір білім ордасында ғана емес, еліміздің бірнеше өңірінде байқалған.
Әлеуметтік желі қолданушылары бұл құбылысты әзіл-шыны аралас «карантин балалары» деп атап жүр. Дегенмен биылғы бірінші сыныпқа барғандар — 2018–2019 жылдары дүниеге келген балалар. Ал 2020 жылы енгізілген карантин кезінде туғандар мектепке тек 2026–2027 жылдары барады.
Бұл оқиға қоғамда екі түрлі пікір қалыптастырды: бір бөлігі халық санының артып жатқанына қуанып отырса, енді бірі мектептердегі орын тапшылығы мен мұғалімдерге түсетін қосымша салмаққа алаңдаулы.
