Бүгін, 17:07
Биыл 1 қыркүйекте мектеп аумағында мұғалімдерге гүл мен түрлі сыйлықтар беруге рұқсат етілмейді. Бұл туралы Оқу-ағарту бірінші вице-министрі Шынар Ақпарова мәлімдеді, деп хабарлайды kznews.kz.
Оның айтуынша, тиісті талап жазылған хаттар жергілікті атқарушы органдарға жолданған.
«Мектеп аумағында мұғалімдерге гүл сыйлауға және қандай да бір сыйлық беруге жол берілмейді. Біз бұл талаптың нақты мектеп аумағына қатысты екенін көрсеттік. Бірінші сынып оқушыларына да гүл сыйлаудың қажеті жоқ», – деді Шынар Ақпарова.
Бірінші вице-министр 1 қыркүйекте мектептерде дәстүрлі форматтағы сынып сағаттары өтуі керектігін атап өтті.
