Алматы облысында 1 шілдеден жер телімдерін рәсімдеу электронды форматқа ауыстырылады
inbusiness.kz
Жер телімдерін беру ісі оңтайланбақ. Бұдан былай бума-бума қағаз көтеріп есік қағудың қажетілігі туындамайды.
1 шілдеден бастап, Алматы облысында жер телімдерін беру рәсімдері электронды форматқа ауыстырылады. Бұл туралы облыстық Цифрлық технологиялар басқармасы басшысының міндетін атқарушы Жандос Ақыл мәлімдеді.
Оның айтуынша, жаңа қызметтің негізінде, жер комиссияларының жұмысы онлайн түрде жүзеге асатын болады. Жалпы, бұл бастаманы іске асыру үшін облыстық Цифрлық технологиялар басқармасы екі жыл уақыттарын сарп еткен.
