Қаржы пирамидасы ісі бойынша үкім оқылып жатқанда, қатысушылар шу шығарған

Айыптау актісіне сай, «Жақсыбаев 2016-2017 жылдары APPORT қосымшасын жасап, ақтөбеліктерді қаржы пирамидасына тартқан. Ол жүздеген адамнан 146 миллион теңге ақша жинап алған. Үкімге сай, ол жазасын қауіпсіздігі орташа деңгейдегі түзеу мекемесінде өтеуі тиіс.

Судья үкім оқып жатқанда айыпталушының жақтастары сот залында шу шығарып, үстел-орындықтарды сындыра бастаған. Үкіммен келіспегендер сот ғимаратының алдында да наразылықтарын жалғастырған. Кейін наразыларды және оқиғаны видеоға түсіріп тұрған Азаттық тілшісін полиция күштеп автобусқа салып, алып кеткен.

«Мен сыртта болған оқиғаны видеоға түсіре бастадым. Полиция видеоға түсірмеңіз деді. Қызмет бабымен жүргенімді айтып, қызметтік куәлігімді көрсеттім. Бірақ соған қарамастан қолымды қайырып, автобусқа салып алып кетті» деді Азаттық тілшісі.

Азаттық журналисі полиция бөлімшесіне барған соң ішкі істер департаментіне, прокуратураға хабарласқан. Кейін прокуратура өкілі Азаттық тілшісіне қателесіп ұстағандарын айтып, босатқан.

Abai.kz