Алматыда «Наурыз шеруі» өтеді
![](https://kznews.kz/wp-content/uploads/2019/03/WhatsApp-Image-2019-03-14-at-21.09.08-1000x700.jpeg)
Күн мен түн ғана емес, хан мен қара да теңелген қасиетті Наурыз мейрамының Алматыдағы негізгі шараларының бірі – «Наурыз шеруі».
Наурыздың 21-і күні сағат 10-да шеруге қатысушылар Абай даңғылының бойында Қазақ мемлекеттік циркі алдындағы алаңға жиналып, сағат 10-да ұлттық киім киген қатысушылар дабылдатып, сахналанған көрініспен шеруді бастайды. Арнайы көліктің үстінде Қыдыр Ата мен Жер Ана қатар тұрып, шеруді бастап жүреді.
Шеруге Алматы қаласы мәдениет мекемелері, ұлттық-мәдени орталықтар өкілдері, жоғары оқу орындары студенттері мен оқытушылары, саятшы-бүркітшілер мен қазақ тазысын баптаушылар, қала тұрғындары – барлығы 2000-ға тарта адам қатысады.
Абай даңғылымен көш түзеген шеру Абылайхан даңғылымен төмен түседі, Қабанбай батыр көшесінде оңға бұрылып, Абай атындағы Мемлекеттік опера және балет театрына дейін сән-салтанатымен жүріп өтеді.
Наурыз – қазақи ата дәстүр ұлылығы, Наурыз – халықтың бірлігінің мығымдығы! Ендеше, халқымыздың дәстүрі мен сән-салтанатын паш ететін мерекелік Шеруді тамашалауға асығыңыз, ағайын!
Abai.kz