Мақал-жұмбақ | — QazaqAdebieti
Жанат Ахмади
(Әйел-Ана дүниенің алтын кілті)
Белгілі жазушы, этнограф Жанат Ахмади газетіміздің бүгінгі жарияланымынан бастап тұрақты айдар жүргізіп отырмақ. Қазақтың көне сөздерін, аңыз әңгімелерін, би-шешендерден қалған асыл мұраны жетік білетін қазына қарттан тәбәрік – сүбелі сөз іздеген жастардың ойына ой қосса, мақсатымыз жүзеге асқаны!
Редакциядан
Салақ әйел шүмек тапса, не таппас (т…к)
***
Жаман әйел ерге жақсам болды деп
кімге жаққысы келмейді (е…не)
***
Салақ әйел етегін тігу орнына түйе салады.
Жүгін жию орнына қайтеді? (ү… салады)
***
Төркіні жақын әйелдің несі жиналмайды? (т…гі)
***
Тоқал әйел тыңшы, бәйбіше әйел не? (мін…і)
***
Бейпіл тілді ойсыз әйел ненің жұты (ж…н жұты)
***
Жақсы әйел көршісінен жүн алып байпақ басады.
Жаман әйел ерінен таяқ жегенше не істейді?
(жай…ақ басады)
***
Жақсы әйел жоқтан-бардан құрап
ерін тойғызады,
Жаман әйел сауып отырған жалғыз
несін сойғызады? (е…ін)
***
Әйелімен ері тең болса айы-күні тоймен өтеді,
Бірінен бірі кем болса,
іштен тынып немен өтеді? (о…н)
***
Сырты сұлуға қырық күнде тоясың,
Іші сұлуға қанша жылда тоймайсың? ( қ…қ)
***
Бір әйел сыйпап-сылаумен әйел,
Бір әйел мінеп қайтумен әйел? (сын…н)
***
Тілемсек әйел барған жерін қайтеді? (төр…неді)
***
Сұғанақ әйел іші томпайған әйелге кім болады? (кін…ше)
***
Әйелі кербездің еркегі қазаншы,
Әйелі сұлудың еркегі кім? (қ…уыл)
***
Жаман әйел ет тасыса, етегіне қан тигізеді,
Қарын аршыса балағына не тигізеді? (ж…н)
***
Сұм байыса зорға салған тамы тар көрінеді, «күйдім-сүйдім, өлдім-талдым» деп зорға алған әйелі не көрінеді? (хар)
***
Жақсы болса алғаның,
Үйіңнен жолдас кетпейді.
Жаман болса әйелің
Шын досың да не істейді? (ш…ді)
***
Жолдасың жаман болса,
Алыс жүріп түн қатпа.
Әйелің жаман болса,
Жұрт алдында не істеме? (т…л)
***
Долы әйел жылауық,
Сұғанақ әйел не? (с…ң)
***
Ойсыз әйел дамбалы бүтін болса қалай отырады?
(қал…ынша)
***
Еркегі жүректі болса, әйелі не? (тір…ті).
